Eni Çobani është një ndër juristet më të njohura shqiptare, e cila me rubrikën e saj "Shihemi në gjyq" ka arritur që të bëhet shumë e dashur për publikun.

Siç dihet ajo është një ndër personazhet më të ndjekura në rrjetet sociale dhe shpesh herë ndan me ndjekësit e saj momente nga jeta e përditshme. Së fundmi ajo i ka prekur të gjithë pasi ka rrëfyer historinë e mikeshës së saj, e cila prej kohësh vuan nga një sëmundje e rëndë.

Eni ka publikuar një foto në profilin e saj në Instagram, ku shfaqet me një shall në kokë, si shenjë sensibilizimi për rastin e mikeshës së saj.

“Sot e fillova ditën me miken time të ngushtë e cila po kalon një sfidë të madhe me jetën të cilën po e sprovon shumë shpirtërisht dhe moralisht. Tek e shikoja më dukej sikur lexoja librin e jetës që nga loja me peta para pallatit dhe deri ditën kur ajo dhe unë u bëmë nëna dhe gra profesioniste. Më dolën lot pas xhamave të syzeve por e kapa dhe e shtrëngova fort dhe i thash ma lidh dhe mua këtë shallin në kokë si ty se dua të jem me ty kudo në të mirë dhe në të keqe dhe kështu të dyja do ta mundin të keqen në trupin tënd. Sot dua t’i lutem veçanërisht Zotit për miken time dhe për gjithë ato gra e burra që duan ta sfidojnë të keqen me forcë dhe vullnet. Se jeta është një dhe atë duhet ta jetojnë të gjithë secili në formën e tij…”, shkruan Eni pranë foto.